Qaybaha Adeegsadayaasha

Imisa qaybood ayaa adeegsankara adeegga FogaanDersi?

Adeegga FogaanDersi guud ahaan waxaa adeegsankara 4-tan qaybood ee hoos ku xusan:

1. Qaybta WWHTS

2. Qaybta Dugsiga

3. Qaybta Bareha

4. Qaybta Ardayga

Awoodaha Qaybta WWHTS

Qaybtani waxay awood u leedahay maamulka guud ee adeegga FogaanDersiga oo ay kamid yihiin qodobadan hoos ku xusan:

• Kusoo darista Fasallada, Maadooyinka, Cutubyada iyo Casharrada

• Waxkabedelista Fasallada, Maadooyinka, Cutubyada iyo Casharrada

• Diiwaangelinta Dugsiyada ee gudaha

• Hubinta iyo Ogolaanshaha Dugsiyada iskasoo diiwaangelinaya dibadda si ay u isticmaalaan Adeegga FogaanDersiga

• Caawinta ciddii cabasho ka qabta hab-adeegsiga adeegga FogaanDersi

• Horumarinta, Fududaynta iyo Casriyaynta adeegga FogaanDersi, si uu u noqdo mid ka jawaabikara baahida ardayga Soomaaliyeed.

Awoodaha Qaybta Dugsiga

Dugsigu waa qaybta ugu awoodda sarreysa marka laga yimaado qaybta WWHTS. Dugsigu wuxuu awood u leeyahay qodobadan hoos ku taxan:

• Diiwaangelinta Berayaasha (Macallimiinta) dugsiga

• Diiwaangelinta Ardayda Dugsiga

• Ku qoridda Bareha Maadooyinka uu kormeerayo

• La socoshada warbixinta Bareha sida: Casharrada uu daawaday macalinku, su'aalaha uu uga jawaabay ardayda guud ahaan, su'aalaha aanu ka jawaabin Bareha iwm.

• La socoshada warbixinta Ardayga sida: Tirada Casharada uu daawaday maaddo kasta, su'aalaha uusoo waydiiyay Bareha, jawaabaha uu ka falceliyay iwm.

• Caawinta Bareha iyo Ardayga hadii ay ilaawaan cinwaanada ay kusoo gelayaan adeegga FogaanDersi

Awoodaha Qaybta Bareha

Barehu wuxuu awood u leeyahay qodobadan hoos ku taxan:

• Daawashada casharada ku jira maadooyinka uu kormeeraha ka yahay

• Helidda liiska ardaydiisa (ardayda dhigata maadooyinka uu kormeeraha ka yahay)

• La socoshada warbixinta ardaygiisa ee ku saabsan casharada uu daawaday, waydiimaha uuso gudbiyay iwm

• Ka jawaabista waydiimaha ardaygiisu soo waydiiyay

Awoodaha Qaybta Ardayga

Ardayga oo ah cidda ugu muhiimsan ee adeegsanaysa adeegga FogaanDersi wuxuu awood u leeyahay qodobadan hoose:

• Daawashada dhamaan casharrada ku jira fasalkiisa

• La socoshada warbixinta tirada casharada uu ka daawaday maaddo kasta

• Waydiinta su'aalaha casharada uu daawanayo

• Wax ka bedelista ciwaanka iyo furesireedka akoonkiisa FogaanDersi

• Soo gudbinta cabasho ku saabsan casharada qaarkooda haday shaqaynwaayaan ama cilad farsamo ka jirto